பதிவுகளை உடனுக்குடன் பெற உங்கள் email முகவரியை Follow by Email-ல் உள்ளிடுங்கள்.

Wednesday, March 23, 2016

தமிழக அரசு பிறப்பித்த அரசாணைக்கு தடைவிதிக்க மறுப்பு ஐகோர்ட்டு உத்தரவு

சென்னை, 

அரசு ஊழியர்கள் மீதான ஊழல் புகார்கள் குறித்து அரசிடம் ஒப்புதல் பெற்ற பின்னரே போலீசார் வழக்குப்பதிவு செய்யவேண்டும் என்ற அரசாணைக்கு தடைவிதிக்க ஐகோர்ட்டு மறுத்துவிட்டது. 

பாரபட்சம்

ஐ.ஏ.எஸ்., ஐ.பி.எஸ். அதிகாரிகள் மீது ஊழல் புகார் வந்தால், அந்த புகார் மீது வழக்குப்பதிவுசெய்வதற்கு முன்பு தமிழக அரசின் ஒப்புதலை லஞ்ச ஒழிப்புத்துறை போலீசார் பெறவேண்டும் என்று கடந்த 1988 மற்றும் 1998-ம் ஆண்டுகளில் அரசாணை பிறப்பிக்கப்பட்டிருந்தது.

இந்த அரசாணைகள், சுப்ரீம் கோர்ட்டு ஒரு வழக்கில் பிறப்பித்த தீர்ப்புக்கு எதிராக உள்ளதாகவும், அரசு ஊழியர்கள் மத்தியில் பாரபட்சம் காட்டப்படுவதாக சென்னை ஐகோர்ட்டில் வக்கீல் புகழேந்தி வழக்கு தொடர்ந்தார். 

புதிய அரசாணை 

இந்த வழக்கு விசாரணையின்போது, தமிழக அரசு சார்பில் பதில் மனு தாக்கல் செய்யப்பட்டது. அதில், ‘ஏற்கனவே ஐ.ஏ.எஸ்., ஐ.பி.எஸ்., அதிகாரிகளுக்கு எதிரான ஊழல் புகார் விசாரணையை மேற்கொள்ள வகுத்தளிக்கப்பட்டிருந்த வழிகாட்டி நெறிமுறைகள் மற்றும் அரசாணைகள் அனைத்தும் உடனே ரத்து செய்யப்படுகின்றன. அந்தஸ்து அல்லது குரூப் போன்றவற்றை தவிர்த்து எந்த நிலை அரசு அலுவலராக இருந்தாலும், அவர்கள் மீது ஊழல் புகார் கூறப்பட்டால், அந்த புகாரை கண்காணிப்பு ஆணையத்துக்கு அனுப்பி, ஒப்புதல் பெற்ற பின்னரே, ஊழல் தடுப்பு மற்றும் கண்காணிப்பு இயக்குனரகம் விசாரணை நடத்தவேண்டும் என்ற புதிய அரசாணை கடந்த பிப்ரவரி 2-ந் தேதி பிறப்பிக்கப்பட்டுள்ளது என்று கூறப்பட்டு இருந்தது. 

சட்டவிரோதமானது

இந்த புதிய அரசாணையை எதிர்த்து சென்னை ஐகோர்ட்டில் வக்கீல் புகழேந்தி வழக்கு தொடர்ந்தார். அதில், ‘அரசு ஊழியர்கள் யாராக இருந்தாலும், அவர்கள் மீதான ஊழல் குற்றச்சாட்டு குறித்து ஒப்புதல் பெற்ற பின்னரே வழக்குப்பதிவு செய்யவேண்டும் என்ற அரசாணை சட்டவிரோதமானது. சுப்ரீம் கோர்ட்டு தீர்ப்புக்கு எதிரானது. பிப்ரவரி 2-ந் தேதி பிறப்பிக்கப்பட்ட இந்த அரசாணையை ரத்து செய்யவேண்டும் என்று கூறியிருந்தார். 

இந்த வழக்கு தலைமை நீதிபதி சஞ்சய்கிஷன் கவுல், நீதிபதி எம்.எம்.சுந்தரேஷ் ஆகியோர் முன்பு நேற்று விசாரணைக்கு வந்தது. மனுதாரர் சார்பில் வக்கீல் எம்.ராதாகிருஷ்ணன் ஆஜராகி வாதிட்டார். 

தடை மறுப்பு 

இதையடுத்து நீதிபதிகள் பிறப்பித்த உத்தரவில், ‘இந்த அரசாணைக்கு தடை விதிக்க முடியாது. அதேநேரம், இந்த மனுவுக்கு தமிழக அரசு 4 வாரத்துக்குள் பதிலளிக்கவேண்டும். விசாரணையை வருகிற ஜூன் 13-ந் தேதிக்கு தள்ளிவைக்கிறோம்’ என்று கூறியுள்ளனர்.

Friday, March 18, 2016

நடுநிலைப் பள்ளித் தலைமை ஆசிரியர் பி.எட். பட்டம் பெற்றால் ஊக்க ஊதிய உயர்வு வழங்கக்கூடாது என்பதற்கான தொடக்கக்கல்வி இயக்குநர் அவர்களின் உத்தரவு.

      நடுநிலைப்பள்ளித்தலைமை ஆசிரியராக பதவி உயர்வில் சென்ற பிறகு பி.எட் கல்வித்தகுதி பெற்றால் அதற்கு ஊக்க ஊதிய உயர்வு வழங்கக்கூடாது. ஏனெனில் நடுநிலைப்பள்ளித் தலைமை ஆசிரியர் பதவிக்கு பி.எட். ஒரு கல்வித்தகுதிதானே தவிர உயர்கல்வி என கருதகூடாது. தொடர்ந்து எம்.ஏ. உயர்கல்வித் தகுதி பெற்றால் ஒரு ஊக்க ஊதிய உயர்வு வழங்கலாம். இதற்கு ஆதாரமாக தொடக்கக்கல்வி இயக்குநர் அவர்களின் செயல்முறைகள் இத்துடன் இணைக்கப்பட்டுள்ளது.



Thursday, March 17, 2016

மாநில நிர்வாகிகள் 5-03-2016 அன்று சென்னையில் பள்ளிக்கல்வி முதன்மைச் செயலாளரிடம் அளித்துள்ள கடிதம்.

            மாநில பொதுச்செயலாளர் சி.பாஸ்கரன், தலைவர் இரா.இரவிச்சந்திரன், பொருளாளர் ப.மாதவராஜன், இணைச்செயலாளர் இரா.தமிழ்ச்செல்வன் ஆகியோர் கடந்த 06-03-2016 அன்று திருச்சியில் நடைபெற்ற மாநில செயற்குழுவில் எடுக்கப்பட்ட முடிவின் அடிப்படையில் 15-03-2016 அன்று சென்னையில் பள்ளிக்கல்வி முதன்மைச்செயலாளரிடம் அளித்துள்ள கடிதம்.




மாநில நிர்வாகிகள் தலைமைத்தேர்தல் ஆணையர் அவர்களை நேரில் சந்தித்து அளித்துள்ள தேர்தல்பணி தொடர்பான வேண்டுகோள் விபரம்.





Wednesday, March 9, 2016

தமிழக அரசு பள்ளிகளில் SSA நடத்திய ஆய்வு - நன்றி தினமலர்.

           தமிழக அரசு பள்ளிகளில் நடத்திய ஆய்வில், 8ம் வகுப்பில், தமிழ் உள்பட அனைத்து பாடங்களிலும், திருவாரூர் மாவட்டம் பின் தங்கி உள்ளது.

மத்திய அரசின் அனைவருக்கும் கல்வி இயக்கமான, எஸ்.எஸ்.ஏ., திட்டத்தின் கீழ், செயல்முறை வழி கல்வி திட்டத்தை, தமிழக பள்ளிக் கல்வித்துறை நடைமுறை படுத்தியுள்ளது. இதற்காக பள்ளிக்கல்வி துறையில், தனியாக திட்ட இயக்குனராக, ஐ.ஏ.எஸ்., அதிகாரி பூஜா குல்கர்னி பணியாற்றுகிறார். இந்த திட்டத்திற்கு மத்திய அரசால் கோடிக்கணக்கில் நிதி வழங்கப்படுகிறது. இந்த நிதியை எப்படி செலவு செய்து, மார்ச்சுக்குள் கணக்கு கொடுப்பது என்பதே, எஸ்.எஸ்.ஏ., திட்டத்தின் முக்கிய பணி. மாணவர்களுக்கு புதுமையான முறையில் கற்று கொடுக்கின்றனரோ, இல்லையோ, ஆசிரியர்களை அவ்வப்போது அழைத்து, அவர்களுக்கு பயிற்சி அளிப்பதாக கூறி, டீ, காபி, மதிய உணவு உபசரிப்புடன் ஒரு நாள் முழுவதும், பொழுதை போக்கி அனுப்பி விடுவர்.

எஸ்.எஸ்.ஏ.,வில் பெற்ற பயிற்சியை மாணவர்களுக்கு ஆசிரியர் வழங்கினாரா என்ற கவலை, எஸ்.எஸ்.ஏ., திட்ட அதிகாரிகளுக்கு இல்லை. அவர்களை பொறுத்தவரை, மத்திய அரசு அளித்த நிதியை அவர்கள்
கூறியபடி, பயிற்சி வகுப்பு நடத்தி செலவழித்து உரிய காலத்தில் கணக்கு காட்டி விட வேண்டும். எஸ்.எஸ்.ஏ., திட்டத்தின் கீழ் பயிற்சி பெற்ற ஆசிரியர்கள் எப்படி பாடம் நடத்தினர்; மாணவர்கள் எந்த அளவுக்கு கற்றல் திறனை அடைந்தனர் என, ஜனவரியில், 500 பள்ளிகளில் தோராயமாக கணக்கெடுப்பு பணியை, எஸ்.எஸ்.ஏ., திட்ட அதிகாரிகள் மேற்பார்வையில் ஆசிரியர்கள் மேற்கொண்டனர்.

இந்த முடிவு சமீபத்தில் வெளியிடப்பட்டது. அதன்படி, ௮ம் வகுப்பு மாணவர்களின் திறனை சோதித்ததில், தமிழ் பாடத்தில், 75 சதவீதத்துக்கு மேல் அதிக மதிப்பெண் எடுத்த மாணவர் பட்டியலில், கன்னியாகுமரி மாவட்டம், 80 சதவீதத்துடன் முதலிடம் பெற்று உள்ளது. இந்த மாவட்டம், 20ஆண்டுகளுக்கும் மேலாக, 100 சதவீத கல்வியறிவு பெற்ற மாவட்டமாக உள்ளது என்பது குறிப்பிடத்தக்கது.பின் தங்கிய மாணவர் பட்டியலில், திருவாரூர் மாவட்டம், 25 சதவீதம் பெற்று முதலிடத்தில் உள்ளது. இங்கு படிப்போரில், 25 சதவீதம் பேர், தமிழில், 50 மதிப்பெண்களுக்கு
குறைவாக பெற்றுள்ளனர். ஆங்கிலம், கணித பாடங்களில் கிருஷ்ணகிரி முன்னிலையிலும், திருவாரூர் மாவட்டம் கடைசி இடத்திலும் உள்ளன. அறிவியலில் கிருஷ்ணகிரி முன்னிலையிலும், தேனி, திருவாரூர் பின்தங்கியும் உள்ளன. 5ம் வகுப்பில் கிருஷ்ணகிரி, திருநெல்வேலி, கன்னியாகுமரி மற்றும் ராமநாதபுரம் மாவட்டங்கள் தரத்தில் முன்னிலையில் உள்ளன. சேலம் மாவட்டம், தமிழ், ஆங்கிலம் மற்றும் கணிதம் பாடங்களில் பின் தங்கிஉள்ளது.தமிழகத்தில், ஐந்து முறை முதல்வராக இருந்த தி.மு.க., தலைவர் கருணாநிதி பிறந்த மாவட்டமான, திருவாரூர் மாவட்ட அரசு பள்ளிகள், அ.தி.மு.க., ஆட்சி காலத்தில் கல்வித்தரத்தில் பின் தங்கியுள்ளது குறிப்பிடத்தக்கது.

- நமது நிருபர் -

Sunday, March 6, 2016

இன்று 06-03-2016 திருச்சியில் நடைபெற்ற தமிழ்நாடு உதவி தொடக்கக்கல்வி அலுவலர் சங்கத்தின் மாநில செயற்குழு கூட்ட நிகழ்வுகள்.

          தமிழ்நாடு உதவி தொடக்கக்கல்வி அலுவலர் சங்கத்தின் மாநில செயற்குழு கூட்டம் இன்று திருச்சி பிஷப் ஹீபர் மேல்நிலைப்பள்ளியில் மாநிலத் தலைவர் இரா. இரவிச்சந்திரன் அவர்கள் தலைமையில் நடைபெற்றது. திருச்சி மாவட்டச் செயலாளர் இ.ஜெகநாதன் வரவேற்புரை ஆற்றினார். மாநில முழுவதும் 23 மாவட்டங்களில் இருந்து வருகைதந்த மாவட்டச் செயலாளர்கள் மற்றும் மாநில செயற்குழு உறுப்பினர்கள் 70 பேர் கலந்து கொண்டனர். மாநில பொதுச்செயலாளர் நமது சங்கத்தின் செயல்பாடுகளையும், நமது முக்கிய கோரிக்கையான உதவி தொடக்ககல்வி அலுவலர் பணியிடத்தை பதவி உயர்வு பணியிடமாக உயர்த்தி ரூ.4800 தர ஊதியம் வழங்குவது தொடர்பாக சென்னை உயர்நீதி மன்றம் மதுரைக் கிளை சமீபத்தில் வழங்கியுள்ள தீர்ப்பினை நடைமுறைப்படுத்துவது,  குறிப்பேடுகள் மற்றும் பாடபுத்தகம் ஆகியவற்றை மாவட்ட மையத்தில் இருந்து ஒன்றியத்திற்கு எடுத்து சென்று வழங்கிட போக்குவரத்துச் செலவினம் அனுமதித்துள்ள அரசாணை பெற சங்கம் எடுத்த நடவடிக்கைகள் மற்றும் மாவட்டங்களில் உதவி தொடக்கக்கல்வி அலுவலர்களின் பிரச்சனைகள் சார்ந்து மாநில அமைப்பு தொடக்கக்கல்வி இயக்குநர் மூலமாக தீர்வு கண்டுள்ள செயல்கள் பற்றி பேசினார். மாவட்டச் செயலாளர்கள் பேசும் போது புதியதாக அரசாணைகள் வெளியாகும் போது அதனை நடைமுறைப்படுத்துவது சார்ந்து நமது சங்கம் வழிகாட்டுவது மற்றும் அந்த நடைமுறையை மாநிலம் முழுவதும் ஒரே மாதிரியாக  அனைவரும் பின்பற்றுவது, மாவட்டங்களில் உள்ள பிரச்சனைகள், உதவி தொடக்கக்கல்வி அலுவலர்களின் மாநில முன்னுரிமைப்பட்டியல் வெளியிடுவது, சங்கத்திற்கு செலுத்த வேண்டிய நிதியினை நிலுவை வைத்துள்ள மாவட்டங்கள் அடுத்த கூட்டத்திற்குள் முழுவதுமாக வழங்குவது, அரசாணைகளின் தொகுப்பு வெளியிடுவது ஆகியவை சார்ந்து கருத்துகளை கூறினார்கள் . மாநில இணைச்செயலாளர் இரா.தமிழ்ச்செல்வன் சங்கம் வலுவாக தொடர்ந்து செயல்படவும், நீதிமன்றம் வழங்கியுள்ள தீர்ப்பினை நடைமுறைபடுத்திடவும் நிதியினை காலதாமதம் இன்றி உடன் வழங்கிடுவதின் தேவையை வலியுறுத்தினார். கூட்டத்தில் உயர்நிலைப்பள்ளித் தலைமை ஆசிரியராக  பதவி உயர்வில் சென்றுள்ள இராமநாதபுரம் இரா.துரைராசு அவர்கள் சங்கம் இல்லை எனில் தனக்கு தற்போது பதவி உயர்வு கிடைத்திருக்காது எனவும் சங்கத்திற்கும், மாநில பொதுச்செயலாளருக்கும் நன்றி தெரிவித்தார். செயற்குழுவில் அவரது பணி சிறக்க வாழ்த்து தெரிவிக்கப்பட்டது.  மாநில தலைமை நிலையச்செயலாளர் மு.இராஜேந்திரன் நமது சங்க நிகழ்வுகளை கூறினார். மாநில பொருளாளர் ப.மாதவராஜன்  நன்றி கூறினார்.
                                                       தீர்மானங்கள்:
1. ஜீலை - 2016ல் மாநில தேர்தல் நடத்துவது என ஒருமனதாக தீர்மானம் நிறைவேற்றப்படுகிறது.
2. 2016 ஜீன் மாதம் விலையில்லா நோட்டு புத்தகங்கள் எடுத்துவர லாரி வாடகை ஜீன் மாதம் வழங்க வேண்டும். காலதாமதமாக கிடைப்பதால் உரியவர்களுக்கு அது கிடைக்க சிரமம் ஏற்படுகிறது. எனவே இது சார்ந்து உரிய நடவடிக்கை எடுக்க ஆவண செய்ய மாநில செயற்குழு கேட்டுக்கொள்கிறது.
3. பணியில் உள்ள உதவி தொடக்கக்கல்வி அலுவலர்களின் முன்னுரிமைப்பட்டியல் உதவி தொடக்கக்கல்வி அலுவலராக பணியில் சேர்ந்த தேதியின் அடிப்படையில் தயாரித்து வெளியிட கேட்டுக்கொள்ளவது என தீர்மானிக்கப்பட்டது.







01-01-2015 அன்றைய நிலவரப்படி உயர்நிலைப் பள்ளித் தலைமையாசிரியர் பதவி உயர்வுக்கு தகுதிவாய்ந்த உதவித்தொடக்கக்கல்வி அலுவலர் பெயர் பட்டியல்.



Wednesday, March 2, 2016

காஞ்சியில் நடைபெற்ற தமிழ்நாடு கல்வித்துறை அலுவலர் சங்க மாவட்ட பொதுக்குழுவில் நமது சங்க மாநில பொதுச்செயலாளர் பங்கேற்பு.

        கடந்த 27-02-2016 அன்று காஞ்சிபுரத்தில் தமிழ்நாடு கல்வித்துறை அலுவலர் சங்கத்தின் மாவட்ட பொதுக்குழு மற்றும் மாவட்ட தேர்தல் நடைபெற்றது. இக்கூட்டத்தில் அச்சங்கத்தின் மாநில தலைவர் சண்முகநாதன் மாநில பொதுச்செயலாளர் சௌரி அருணாசலம் மற்றும் மாநில துணைத்தலைவர் பாலு, தலைமை நிலைச்செயலாளர் ஆகியோர் கலந்து கொண்டு தேர்ந்தெடுக்கப்பட்ட புதிய பொறுப்பாளர்களை வாழ்த்தி அவர்கள் சங்க செயல்பாடுகளை பற்றி பேசினார்கள். இக்கூட்டத்திற்கு சிறப்பு அழைப்பாளராக விடுக்கப்பட்ட அழைப்பினை ஏற்று தமிழ்நாடு உதவி தொடக்கக்கல்வி அலுவலர் சங்கத்தின் மாநில பொதுச்செயலாளர் எஸ்.பாஸ்கரன் அவர்கள் கலந்து கொண்டு  புதிய பொறுப்பாளர்களை வாழ்த்தி பேசினார்.

திருச்சியில் 07-03-2016 ஞாயிற்றுக்கிழமை காலை 10.30 மணிக்கு மாநில செயற்குழு கூட்டம்.

                 தமிழ்நாடு உதவி தொடக்கக்கல்வி அலுவலர் சங்கத்தின் மாநில செயற்குழு 07-03-2016 ஞாயிற்றுக்கிழமை அன்று காலை 10.30 மணிக்கு திருச்சி தெப்பக்குளம் பிஷப்ஹீபர் மேல்நிலைப்பள்ளியில் நடைபெறுகிறது.
                இக்கூட்டத்தில் மாநில முழுவதும் உள்ள அனைத்து மாவட்ட பொறுப்பாளர்கள், மாநில செயற்குழு உறுப்பினர்கள் பங்கேற்க கேட்டுக்கொள்ளப்படுகிறார்கள்.   
                         உதவி தொடக்கக்கல்வி அலுவலர் பணியிடம் பதவி உயர்வு பணியிடமாக உயர்த்துவது சார்ந்து தற்போது பெறப்பட்டுள்ள மதுரை உயர்நீதி மன்ற தீர்ப்பு குறித்து முக்கிய முடிவுகள் எடுக்கப்பட உள்ளதால் அனைவரும் தவறாது பங்கேற்று சிறப்பிக்க அழைக்கிறோம். மாவட்ட செயலாளர்கள் மாநில அமைப்புக்கு செலுத்திட வேண்டிய அனைத்து நிலுவைத் தொகையினையும் எடுத்துவர கேட்டுக்கொள்ளப்படுகிறார்கள்.